დეპარტამენტის დებულება

საქრთველოს კულტურის, ძეგლთა დაცვისა და სპორტის სამინისტროს სახელმწიფო საქვეუწყებო დაწესებულება _ სპორტისა და ახალგაზრდობის საქმეთა დეპარტამენტი ახორციელებს ერთიან სახელმწიფოებრივ პოლიტიკას სპორტის და ახალგაზრდობის სფეროში. კანონმდებლობით მინიჭებული უფლებამოსილების ფარგლებში დეპარტამენტი ეწევა შემდეგ ძირითად საქმიანობას:

სპორტის სფეროში

• შეიმუშავებს სპორტის განვითარების ძირითად მიმართულებებს, ქმნის სათანადო პირობებს სპორტული ტრადიციების შენარჩუნების, დაცვისა და განვითარებისათვის.
• თანამშრომლობს საქართველოს სახელმწიფო და არასამთავრებო სპორტულ ორგანიზაციებთან, ეროვნულ ოლიმპიურ კომიტეტთან, სპორტულ ასოციაციებთან, კავშირებთან, ფედერაციებთან, კლუბებთან. ხელს უწყობს და კომპეტენციის ფარგლებში კოორდინაციას უწევს მათ საქმიანობას.
• ადგენს მასობრივ-გამაჯანსაღებელი და სპორტული  ღონისძიებების ერთიან კალენდარულ გეგმას.
• შეიმუშავებს სათანადო პროექტებს სპორტის სახელმწიფო დაფინანსებისთვის.
• თავისი კომპეტენციის ფარგლებში კოორდინაციას უწევს ადგილობრივი მმართველობის ორგანოების სპორტული ქვედანაყოფების საქმიანობას და უზრუნველყოფს მათ მეთოდურ ხელმძღვანელობას.
• მონაწილეობს სპორტის სფეროში საერთაშორისო ხელშეკრულებების მომზადებაში, მონიტორინგს უწევს მათ განხორციელებას.
• ხელს უწყობს სპორტში მეცნიერული კვლევის განვითარებას, მოწინავე გამოცდილების პრაქტიკაში დანერგვას. მონაწილეობს განათლების სფეროში ფიზიკური აღზრდისა და სპორტის პროგრამების შემუშავებაში, ზედამხედველობას უწევს სპორტული სკოლების სასწავლო-საწვრთნელ პროცესს.
• კოორდინაციას უწევს ფიზიკური აღზრდისა და სპორტის პროპაგანდას, უზრუნველყოფს სამეცნიერო, მეთოდური, სასწავლო და პოპულარული სპორტული ლიტერატურის გამოცემას.
• მონაწილეობს სპორტთან დაკავშირებული კანონპროექტების მომზადებაში.
• დადგენილი წესის მიხედვით სპორტსმენებს და სპორტის მუშაკებს ანიჭებს სპორტულ და საპატიო წოდებებს, აჯილდოებს სიგელებით, პრიზებით და ფულადი პრემიით, წარადგენს სახელმწიფო ჯილდოებზე.

ახალგაზრდობის სფეროში

• კოორდინაციას იწევს ბავშვთა და ახალგაზრდობის სფეროში სახელმწიფოებრივი პოლიტიკის განხორციელებას.
• ამზადებს წინადადებებს ბავშვთა და ახალგაზრდობის სფეროში საკანონმდებლო ბაზის შემდგომი განვითარების მიზნით.
• აწესებს კონტროლს ბავშვთა შრომით საქმიანობაზე, უზრუნველყოფს ავადმყოფი ბავშვების დ ახალგაზრდობის საზოგადოებრივ ცხოვრებაში ჩართვის ხელშემწყობი პირობების შექმნას.
• კოორდინაციას უწევს ახალგაზრდული და ბავშვთა ორგანიზაციების ურთიერთთანამშრომლობას, სახელმწიფოებრივ ხელშეწყობას, მათი უფლებებისა და ინტერესების დაცვას.
• თავისი კომპეტენციის ფარგლებში მონაწილეობს ახალგაზრდებს შორის ნარკომანიის, ალკოჰოლიზმის, პროსტოტუციის წინააღმდეგ ბრძოლაში, ამზადებს შესაბამის წინადადებებს და პროგრამებს.
• მონაწილეობს და ეხმარება საინიციატივო ჯგუფებს მასობრივი  ახალგაზრდული ღონისძიებების, ახალგაზრდული დღეების და თამაშობების ორგანიზებაში.
• უზრუნველყოფს სახელმწიფო ახალგაზრდული პროგრამების შემუსავებას და რეალიზაციას.
•  მონაწილეობს სამხედრო-პატრიოტულ აღმზრდელობით ღონისძიებებსა და წვევამდელთა გამწვევი კომისიების მუშაობაში.

მიმაგრებული დოკუმენტები :
გადმოწერეთ სრული ვერსია